రాగి (Finger Millet) (ఎల్యూసీన్ కొరకానా, అమ్హరిక్లో తోకూసో) ని ఫింగర్ మిల్లెట్ లేదా ఆఫ్రికన్ మిల్లెట్ అని వ్యవహరిస్తారు. రాగి తృణధాన్యం పంట.
రాగులు తినడంవల్ల మనం పొందుతున్న ఆరోగ్య ప్రయోజనాలకుగాను ఆ కీర్తి (క్రెడిట్) రాగుల్లోని ఆహార పీచుపదార్థాలు (dietary fibre) మరియు పోలీఫెనాల్ (polyphenol) పదార్థాలకు దక్కుతుంది.
రాగుల్లో ఇతర తృణధాన్యాలలో కంటే ఎక్కువ అధిక ఖనిజ పదార్థాలున్నాయి. తృణధాన్యాలైన రాగులలో కాల్షియం, పొటాషియం , కార్పోహైడ్రేట్లు, ఫైబర్ పదార్థాలు అధికంగా ఉన్నాయి. దీంతోపాటు B1, B2, B3 విటమిన్లు, ఐరన్ సమృద్ధిగా ఉన్నాయి.
రాగుల్లో ఇనుము అధికంగా ఉండడం మూలంగా రక్తహీనత తగ్గటానికి దోహదం చేస్తుంది. అదనంగా, రాగులు గ్లూటెన్ (బంక పదార్ధం) రహితంగా ఉంటాయి మరియు తక్కువ కొవ్వు పదార్థాల్ని మాత్రమే కల్గి ఉంటాయి. కాబట్టి, సులభంగా జీర్ణమవుతుంది మరియు గ్లూటెన్-అసహనాన్ని కలిగినవారికి రాగులతో చేసిన ఆహారం సురక్షితంగా ఉంటుంది. శాకాహారులకు అవసరమైన ప్రోటీన్ యొక్క ఖచ్చితమైన మూలం రాగులే.
రాగుల యొక్క ఆరోగ్య ప్రయోజనాలు - Health benefits of Ragi
ఎముక పుష్టికి : వీటిల్లో క్యాల్షియం పుష్కలంగా ఉండటం వల్ల ఎముకలు బలంగా తయారవుతాయి. ముఖ్యంగా పిల్లల్లో ఎముకల ఎదుగుదలకు, మహిళలు ఎముకల పటుత్వానికి, వృద్ధుల్లో ఎముకలు ఆరోగ్యంగా ఉండటానికి తోడ్పడతాయి.
అధిక బరువు తగ్గటానికి : రాగులలో ట్రీప్టోఫాన్ అనే అమైనో యాసిడ్ కలిగి ఉంటుంది ఇది ఆకలిని తగ్గిస్తుంది మరియు బరువును నియంత్రణలో ఉంచుతుంది. రాగులలో అధిక శాతంలో డైయిటరీ ఫైబర్ ఉంటుంది, ఇది జీర్ణ క్రియను మెరుగుపరుస్తుంది మరియు ఎక్కువ సమయం పాటు కడుపు నిండిన భావనను కలిగించి, ఎక్కువగా తినకుండా చేస్తాయి. ఇవన్నీ బరువు తగ్గాలనుకునే వారికి రాగులు మంచి ఆహారం.
మధుమేహం నియంత్రణకు : రాగుల్లో ఉండే పాలిఫినాల్స్, డైటరీ ఫైబర్ మధుమేహాన్ని నియంత్రిస్తాయి. రాగులు వంటి ఫైబర్ అధికంగా ఉండే ఆహారాలు మధుమేహ రోగులకు ఎంతో ఉపయోగకరంగా ఉంటాయి, ఇవి జీర్ణం కావడానికి చాలా సమయం పడుతుంది తద్వారా రక్తంలోకి గ్లూకోజ్ నెమ్మదిగా విడుదల అవుతుంది.
కొలెస్ట్రాల్ తగ్గేందుకు : రాగుల్లో లెసిథిన్, మెథియోనైన్ అనే అమైనో ఆమ్లాలు కాలేయంలో అదనపు కొవ్వును నిర్మూలిస్తుంది. ఇక థ్రియోనైన్ అమైనో ఆమ్లమైతే కాలేయంలో కొవ్వు ఏర్పడకుండా చూస్తుంది.
రక్తహీనత (అనీమియా) : రాగుల్లో ఐరన్ పుష్కలంగా ఉంటుంది. రాగిని తీసుకోవడం వల్ల అనిమియాను నివారించడానికి సహాయపడుతుంది.
ఆందోళన : వీటిల్లోని ట్రిప్టోఫాన్ అమైనో ఆమ్లం శారీరక, మానసిక ప్రశాంతతకు దోహదం చేస్తుంది. అందువల్ల ఆందోళన, కుంగుబాటు, నిద్రలేమి వంటి సమస్యల నివారణకు తోడ్పడతాయి.
వయస్సును తగ్గిస్తుంది : రాగుల్లో యాంటీఆక్సిడెంట్స్ పుష్కలంగా ఉంటుంది. అందువల్ల, చర్మం కాంతివంతంగా, మృదువుగా ఉంటుంది. ఎప్పుడూ యవ్వనంగా కనిపిస్తారు.
పీచుపదార్థాలు అనేవి జీర్ణం కాని పిండిపదార్థాలు. మన శరీరం కొవ్వులు, మాంసకృత్తులు లేదా కార్బోహైడ్రేట్లు వంటి ఆహారాన్ని విచ్ఛిన్నం చేస్తుంది మరియు గ్రహిస్తుంది. పీచుపదార్థాలు అనేవి మన శరీరం జీర్ణించుకోలేని లేదా గ్రహించలేని మొక్కల ఆహార భాగాలను రౌగేజ్ లేదా బల్క్ అని కూడా పిలుస్తారు. ఫైబర్ మన శరీరం ద్వారా జీర్ణం కాదు. ఈ పీచుపదార్థాలు చిన్న ప్రేగు నుండి నేరుగా పెద్ద ప్రేగులోకి వెళతాయి, ఇక్కడ ఈ పీచుపదార్థాల (ఫైబర్) ఒక భాగం మాత్రమే పేగుల్లోని బ్యాక్టీరియా ద్వారా పులియబెట్టబడుతుంది.
మలబద్దకాన్ని తగ్గించడం మరియు ప్రేగు కదలికలను నియంత్రించడానికి పీచుపదార్థాలు (ఫైబర్) అవసరం. ఫైబర్ మీ మలం యొక్క బరువు మరియు పరిమాణాన్ని పెంచుతుంది మరియు దానిని మృదువుగా చేస్తుంది. స్థూలమైన మలం పాస్ చేయడం సులభం, మలబద్దకానికి అవకాశం తగ్గుతుంది. పీచుపదార్థాలు జీర్ణం కావు, ఇవి మన పేగుల్లో ఎక్కువసేపు నిల్చి మనకి కడుపు నిండిన భావాన్ని కలిగిస్తుంది, తద్వారా మన భోజనాల మధ్య సమయం పెరుగుతుంది. మధుమేహ వ్యాధిగ్రస్తుల ఇది చాలా సహాయపడుతుంది ఎందుకంటే వాళ్ళ శరీరంలో ఇన్సులిన్ స్థాయిలను నియంత్రించడంలో సహాయపడుతాయి.
ఇవి బరువు తగ్గించడానికి, కొలెస్ట్రాల్ కోల్పోవటానికి మనకు సహాయపడుతాయి. మీరు రోజంతా యాక్టివ్‌గా ఉండేందుకు దోహదపడుతుంది. ఇంకా, మొలలు (పైల్స్) మరియు గుండె సంబంధ వ్యాధుల ప్రమాదాన్ని తగ్గించడంలో ఆహారపీచుపదార్థాలు చాలా బాగా సహాయపడుతాయి.
ఆహార పీచుపదార్థాల రకాలు - Types of dietary fiber
ఆహార పీచుపదార్థాలను (డైటరీ ఫైబర్ను) రెండు రకాలుగా వర్గీకరించవచ్చు:
1. కరగని ఆహార పీచుపదార్థాలు - Insoluble dietary fiber
కరగని ఆహార పీచుపదార్థాలు ( Insoluble dietary fiber ) నీటిలో కరగవు. కరగని ఫైబర్ మీ మలం లోకి నీటిని ఆకర్షిస్తుంది, ఇది మీ ప్రేగుపై తక్కువ ఒత్తిడితో మృదువుగా మరియు తేలికగా వెళుతుంది. కరగని పీచుపదార్థాలు అధికంగా ఉండే ఆహారాలు, ఆహారం పేగులో ఉండే సమయాన్ని పెంచుతాయి మరియు మనకు కడుపు నిండిన అనుభూతిని కలిగిస్తాయి.
కరగని పీచుపదార్థాలు ప్రేగు ద్వారా పదార్థాల కదలికను ప్రోత్సహిస్తుంది, మలబద్దకాన్ని నివారించడంలో, బరువు తగ్గడం నికి సహాయపడుతుంది.
పండ్ల తొక్కలు, గోధుమల పొట్టు, తృణధాన్యాలు మొదలైన వాటిలో కరగని పీచుపదార్థాలు ఎక్కువగా కనిపిస్తుంది.
2. కరిగే పీచుపదార్థాలు - Soluble dietary fiber
కరిగే ఫైబర్ కడుపు మరియు ప్రేగులలోకి ప్రవేశించినప్పుడు నీరు మరియు జీర్ణశయాంతర ద్రవాలలో కరుగుతుంది. ఇది జెల్ లాంటి పదార్ధంగా రూపాంతరం చెందుతుంది, ఇది పెద్ద ప్రేగులోని బ్యాక్టీరియా ద్వారా జీర్ణం అవుతుంది. వీటిని పండ్ల గుజ్జు, బార్లీ, విత్తనాలు మరియు ఎండుగింజలలో గుర్తించవచ్చు.
కరిగే పీచుపదార్థం శరీరంలో కొలెస్ట్రాల్ స్థాయిలను మరియు రక్తంలో గ్లూకోజ్ స్థాయిలను తగ్గించటానికి సహాయపడుతుంది.
పీచుపదార్థాలు అధికంగా ఉండే ఆహారాలు మరియు వాటి వనరులు - Fiber rich foods and sources
పీచుపదార్థాల ఆరోగ్య ప్రయోజనాలు - Fiber health benefits
పీచుపదార్థాలు అధికంగా ఉండే ఆహారాలు అనేక ఆరోగ్య ప్రయోజనాలను కలిగి ఉంటాయి.
1)మలబద్దకం నుండి ఉపశమనం కల్గిస్తుంది: పీచుపదార్థాలు మీ మలం యొక్క బరువు మరియు పరిమాణాన్ని పెంచుతుంది మరియు దానిని మృదువుగా చేస్తుంది, తద్వారా జీర్ణశయాంతర ప్రేగుల ద్వారా అది సులభంగా ప్రయాణించడాన్ని ప్రోత్సహిస్తుంది. తద్వారా మలబద్దకానికి మీ అవకాశం తగ్గుతుంది. ఇది పేగుల్లోని ఆరోగ్యకరమైన బ్యాక్టీరియాను ప్రోత్సహిస్తుంది, ఇది ఆహారాన్ని సరైన రీతిలో మరియు సులభంగా జీర్ణం చేయడానికి వీలు కల్పిస్తుంది.
2) బరువు తగ్గడాన్ని ప్రోత్సహిస్తుంది: మీ ఆహారంలో తగినంత మొత్తంలో పీచుపదార్థాలు తీసుకోవడం వల్ల ఎక్కువసేపు కడుపు నిండుగా ఉందని అనిపించడం ద్వారా ఆకలి బాధలను తగ్గించవచ్చు. తద్వారా బరువు తగ్గిస్తుంది.
3) మొలల (పైల్స్) లక్షణాలకు ఉపశమనం కల్గిస్తుంది: మలబద్దకాన్ని తగ్గించడం ద్వారా, పీచుపదార్థాలు ఆసన గోడలపై అధిక ఒత్తిడిని తగ్గించడంలో సహాయపడుతాయి, తద్వారా మొలల వ్యాధి లక్షణాలకు ఉపశమనం కల్గిస్తుంది.
4) కొలెస్ట్రాల్ ను తగ్గిస్తుంది: కరిగే ఫైబర్ తక్కువ సాంద్రత కలిగిన లిపోప్రొటీన్ లేదా "చెడు" కొలెస్ట్రాల్ స్థాయిలను తగ్గించడం ద్వారా మొత్తం రక్త కొలెస్ట్రాల్ స్థాయిలను తగ్గించటానికి సహాయపడుతుంది. శరీరంలోని అదనపు కొవ్వుల్ని (కొలెస్ట్రాల్ ను) తొలగించి, రక్తపోటు స్థాయిలను తగ్గించడం ద్వారా గుండెపోటు ప్రమాదాన్ని కూడా తగ్గిస్తుంది.
5) రక్తంలో చక్కెర స్థాయిలను నియంత్రిస్తుంది: డయాబెటిస్ ఉన్నవారిలో, ఫైబర్ - ముఖ్యంగా కరిగే ఫైబర్ - చక్కెర శోషణను నెమ్మదిస్తుంది మరియు రక్తంలో చక్కెర స్థాయిలను మెరుగుపరచడంలో సహాయపడుతుంది. కరగని ఫైబర్ కలిగి ఉన్న ఆరోగ్యకరమైన ఆహారం టైప్ 2 డయాబెటిస్ వచ్చే ప్రమాదాన్ని కూడా తగ్గిస్తుంది.
పీచుపదార్థాల దుష్ప్రభావాలు - Fiber side effects
1) తక్కువ నీరు తాగడంతో పాటు పీచుపదార్థాలు అధికంగా ఉండే ఆహారం తినడంవల్ల ప్రేగుల్లో ఆహారం అడ్డుపడుతుంది. దీని వలన మలబద్దకం సమస్య వస్తుంది. అందువల్ల మీరు అధిక పీచుపదార్థాలతో కూడిన ఆహారం తినేటపుడు నీరు ఎక్కువగా తీసుకోవాలి.
2) కొన్ని రకాల పీచుపదార్థాలు పేగులో పులియబెట్టిబడటానికి గురవుతాయి, దీనివల్ల కడుపులో ఉబ్బరం మరియు గ్యాస్ పెరిగే ప్రమాదం ఉంది.
దీని శాస్త్రీయ నామము "బీటా వల్గారిస్( beta vulgaris )". ఆకులు, దుంప, రెండు తినేందుకు వాడతారు . ఆరోగ్యానికి ఎంతో మంచిది కూడా. ఎనీమియాతో బాధపడేవారు రోజూ ఒక కప్పుడు బీట్రూట్ జ్యూస్ తాగితే త్వరగా కోలుకుంటారు.
విటమిన్ బి దండిగా ఉండే బీట్రూట్ చర్మం, గోళ్లు, వెంట్రుకల ఆరోగ్యానికి బాగా ఉపయోగపడుతుంది.
రోజు బీట్రూట్ జ్యూస్ తాగితే రక్తపోటు తగ్గటానికి దోహదం చేస్తుంది.
నాడుల ఆరోగ్యం, జ్ఞాపకశక్తి, కాలేయం పనితీరు మెరుగుపడటానికీ బీట్‌రూట్‌తోడ్పడును.
గర్భిణుల్లో ఆరోగ్యకరమైన కణజాలం వృద్ధి చెందేలా చేస్తుంది.
వైద్య పరంగా :
డయాబెటిక్ లివర్ ను కాపాడును, కొలెస్టిరాల్ ను తగ్గించును, మలబద్దకాన్ని నివారించును, బీట్ రూటు జ్యూస్ రక్తపోటును తగ్గించును, బోరాన్ ఎక్కువగా ఉన్నందున "aphrodisiac" గా సెక్స్ హోర్మోన్స్ ఎక్కువచేయును. కొంతవరకు క్యాన్సర్ నివారణకు ఉపయోగపడును.
పోషకాలు : 100 గ్రాములలో
బీట్రూట్ 88% నీటిని కలిగి ఉంటుంది. ఇది కాల్షియం, భాస్వరం, పొటాషియం మరియు విటమిన్ A, B1, B2, B3, B9, C వంటి విటమిన్లు మరియు అనేక ఖనిజాలకు మంచి మూలం.
బీట్రూట్ దుంప ఆరోగ్య ప్రయోజనాలు - Beetroot health benefits
బరువు తగ్గడానికి: బీట్రూట్ 88% నీరు కలిగి ఉంటుంది మరియు దానిలో కొవ్వులు చాలా తక్కువగా ఉంటాయి, అందువల్ల అది బరువును తగ్గించేందుకు మంచి ఆహారం. బీట్రూట్ పీచుపదార్థాల్ని అధికంగా కల్గి ఉంటుంది. అందువల్ల, జీర్ణక్రియకు సహాయపడుతుంది మరియు ఎక్కువ సమయం పాటు కడుపు నిండిన అనుభూతి కలిగిస్తుంది.
మధుమేహం కోసం: బీట్రూటు రక్తంలో గ్లూకోజ్ స్థాయిలను నియంత్రిస్తుంది. అందువల్ల బీట్రూటు మధుమేహ వ్యక్తుల కోసం మంచి ఆహారం.
గుండె కోసం: బీట్రూట్ అనేది ఒక యాంటీ ఇన్ఫ్లమేటరీ, యాంటీఆక్సిడెంట్ మరియు ఇది హృదయంపై ప్రయోజనకరమైన ప్రభావాలను కలిగి ఉంటుంది. ఇది రక్తపోటును తగ్గిస్తుంది మరియు హృదయ సంబంధ రుగ్మతల ప్రమాదాన్ని తగ్గిస్తుంది.
వ్యాయామం కోసం: బీట్రూట్ జ్యూస్ తాగడం వల్ల వ్యాయామ సమర్థత మెరుగుపడుతుంది మరియు త్వరగా అలసిపోరు.
కాలేయం కోసం: బీట్రూట్ హెపాటోప్రొటెక్టివ్ (కాలేయ రక్షిత) ప్రభావాలను కలిగి ఉంటుంది. ఇది యాంటీఆక్సిడెంట్ యొక్క గొప్ప వనరుగా ఉండి, ఆక్సీకరణ నష్టం నుండి కాపాడుతుంది.
రక్తపోటు నివారణ కోసం: బీట్రూట్ రక్తపోటును తగ్గిస్తుంది. ఇందులోని నైట్రేట్లు రక్తంలో కలిశాక నైట్రిక్‌ ఆక్సైడ్‌ను ఉత్పత్తి చేస్తాయి. ఈ వాయువు రక్తనాళాలను విప్పారేలా చేసి రక్తపోటు తగ్గేందుకు దోహదం చేస్తుంది.
క్యాన్సర్ నివారణ కోసం: బీట్రూట్ యొక్క అధిక యాంటీ ఆక్సిడెంట్ శాతం క్యాన్సర్ నివారణకు సమర్థవంతంగా పని చేస్తుంది, ఇది అపోప్టోసిస్ లేదా ప్రోగ్రామ్ కణ మరణం ద్వారా సంభవిస్తుంది. బీట్రూట్ రొమ్ము క్యాన్సర్, ఇసోఫాజియల్ క్యాన్సర్, కాలేయ క్యాన్సర్ మరియు ప్రోస్టేట్ క్యాన్సర్ల పై వ్యతిరేక ప్రభావాలను కలిగి ఉంది.
తేనెటీగలు పువ్వులనుండి సేకరించే తియ్యటి ద్రవ పదార్థాన్నే తేనె అంటారు. స్వచ్ఛమైన తేనె ఎన్నటికి చెడిపోదు, ఎందుకంటే పంచదార కన్నా రెండు రెట్లు ఎక్కువ తీపిగా ఉండే తేనె క్రిమి సంహారక గుణాన్ని కలిగి ఉంటుంది. అందుకే ఇది బ్యాక్టీరియాని చంపే స్తుంది. తేనెలో 14 నుంచి 18 శాతం వరకు తేమ ఉంటుంది. ఇందులో నీటి శాతం కూడా తక్కువగా ఉండటంతో పులియడం, పాడవడం జరగదు. 18 శాతంకన్నా తక్కువ తేమ ఉన్న పదార్థాల్లో సూక్ష్మ జీవులు కానీ ఏ ఇతర జీవులు కానీ పెరగలేవు
ఉపయోగాలు
అధిక బరువు : తేనెను గోరువెచ్చని నీటితో పరగడుపున సేవిస్తే అధిక బరువు తగ్గుతారు.
పాలతో: తేనెను గోరువెచ్చని పాలతో సేవిస్తే బరువు పెరుగుతారు. ఒక కప్పు వేడి పాలలో, చెంచా తేనె కలిపి పిల్లలతో తాగిస్తే అలసట దూరమై పుష్టిగా తయారవుతారు. కడుపులో క్రిములను, పుండ్లను తగ్గించడానికి, రక్తలేమిని నివారించడానికి ఇది చక్కని ఔషధం. రాత్రి పడుకునే ముందు తీసుకుంటే హాయిగా నిద్ర పడుతుంది.
మొటిమలు: తేనె (15 భాగాలు), దాల్చిన చెక్క పొడి (1 భాగం)... ఈ మిశ్రమాన్ని ప్రతిరోజూ రాత్రి పూట 2వారాలపాటు ప్రయోగిస్తే మొటిమలు తగ్గుతాయి.
కీళ్ల నొప్పి: 2 చెంచాలు తేనెను కప్పు దాల్చిన చెక్క కషాయానికి కలిపి పుచ్చుకుంటే కీళ్లనొప్పిలో ఉపశమనం లభిస్తుంది.
జలుబు, దగ్గు, గొంతునొప్పి: తేనె (4్భగాలు), పిప్పళ్ల పొడి (1 భాగం), మిరియం పొడి, లవంగాల పొడి, జీలకర్ర పొడి కలిపి గొంతు తగిలేలా పుక్కిట పడితే గొంతునొప్పి నుంచి ఉపశమనం లభిస్తుంది.
పిల్లల్లో విరేచనాలు: తేనెకు జాజికాయ పొడిని కలిపి ఇస్తే అతిసారం తగ్గుతుంది.
తేనె టీ: పొద్దున్నే కాఫీ, టీలకు బదులుగా తేనె టీ తాగితే ఆరోగ్యానికి ఎంతో మంచిది. పరగడుపున కప్పు వేణ్నీళ్లలో చెంచా తేనె కలిపి మెల్లగా చప్పరిస్తూ తాగాలి. అజీర్తి సమస్యలకు ఇది చక్కని ఔషధం. రోజుకు రెండు మూడు సార్లు తాగినా మంచి ఫలితం ఉంటుంది.
నిమ్మరసంతో: కప్పు వేణ్నీళ్లలో కొంచెం నిమ్మరసం, చెంచా తేనెను బాగా కలపాలి. కాలేయ సమస్యలున్న వాళ్లు దీన్ని తాగితే మంచి ఫలితాలుంటాయి. దగ్గు , గొంతు నొప్పులకు బాగా పనిచేయును. ముఖ వర్ఛస్సు పెరుగుతుంది. శరీరం మీద మచ్చలు చాలా తేలిగ్గా తగ్గుతాయి. పడుకునే ముందు తాగితే జలుబు నుంచి ఉపశమనం లభిస్తుంది. దగ్గు , గొంతు నొప్పులకు బాగా పనిచేయును
అధిక బరువు పెరగడానికి నిర్ధిష్టమైన కారణాలను చెప్పడం సాధ్యం కాదు.వాటిలో శారీరక శ్రమ లేకపోవడం, ఆహారపు అలవాట్లు ముఖ్యంగా చెప్పవచ్చు.
స్థూలకాయం రావడానికి ఎన్ని కారణాలున్నాయో దీనిని నివారించడానికి అనేక మార్గాలున్నాయి.
•పొద్దున్నే గోరువెచ్చని నీరు తాగాలి. రోజుకు కనీసం ఆరు లీటర్ల నీళ్లు తాగాలి.
•రోజూ క్యారెట్‌ జ్యూస్ తాగడం మంచిది.
•గోరువెచ్చటి నీళ్లల్లో కొద్దిగా నిమ్మరసం, తేనె కలిపి ఉదయాన్నే తాగితే జీర్ణక్రియకు ఎంతో మంచిది మరియు కాలేయంలోని వ్యర్థపదార్థాలను తొలగింస్తుంది.
•ఆరెంజ్, బెర్రీ మొదలైన రసాలు, ద్రాక్ష రసం కొవ్వును బాగా కరిగిస్తాయి. వీటిలో పీచు అధికం. అనేక పోషకాలు, కార్బోహైడ్రేట్లు వుండి కేలరీలు, కొవ్వు అతి తక్కువగా వుంటాయి. కనుక ప్రతిరోజూ ఒక గ్లాసు క్రమం తప్పకుండా తాగండి.
•ఒక గ్లాసు నీళ్లల్లో 1 లేదా 2 టేబుల్‌ స్పూన్సు యాపిల్‌ సైడర్‌ వెనిగర్‌ని వేసి బాగా కలపాలి. అన్నం తినేముందు దీన్ని తాగాలి. ఆకలిని నియంత్రించి తక్కువ ఆహారం తీసుకునేలా చేస్తుంది. జీర్ణక్రియ పెంచి శరీర మలినాలు తొలగిస్తుంది. బరువు తగ్గటానికి తోడ్పడుతుంది.
•పుదీనా పొట్టచుట్టూ ఉన్న కొవ్వును కరిగించడంలో ఇది ఎంతో శక్తివంతంగా పనిచేస్తుంది. గ్యాస్ సమస్యను తగ్గిస్తుంది. ఇందులోని యాంటాక్సిడెంట్లు జీవక్రియ సరిగా జరిగేట్టు సహాయపడతాయి. పుదీనా, కొత్తిమీర ఆకుల్ని రెండింటినీ కలిపి బాగా నూరి అందులో నిమ్మరసం వేసి పేస్టులా చేసి చిటికెడు ఉప్పు అందులో కలపాలి. దాన్ని రోటి, ఇడ్లీల్లో చెట్నీగా తింటే జీర్ణశక్తికి ఎంతో మంచిది. పుదీనాలో కేలరీలు చాలా తక్కువగా ఉంటాయి.
•కలబంద శరీర బరువును తగ్గిస్తుంది. 2 టేబుల్‌ స్పూన్ల కలబంద జ్యూసులో 1 టీ స్పూను ధనియాల పొడి వేసి దాన్ని అరగ్లాసు గోరువెచ్చటి నీళ్లల్లో కలిపి పొద్దున్నే ఖాళీ కడుపుతో తాగితే ఎంతో మంచిది. ఈ డ్రింకు తాగిన గంట వరకూ ఏమీ తినకూడదు.
•గ్రీన్ టీ తో శరీరానికి, చర్మానికి, జుట్టుకు ఎంతో ఆరోగ్యాన్నిస్తుంది. దీనిని ఇంటిలోనే తయారు చేసుకోవచ్చు. పొట్టకొవ్వు అతి తేలికగా మాయం అవుతుంది. గ్రీన్ టీ మీలోని మెటబాలిజం పెంచుతుంది. రోజంతా చురుకుగా వుండేట్లు చేస్తుంది. ఆకలిని కనీసం రెండు నుండి 4 గంటలు అదుపు చేస్తుంది.
•కాఫీ, మితంగా తాగితే ఇది బరువు తగ్గేటందుకు అమోఘమైన ఔషధం. కాఫీలో షుగర్ కలపకండి.తీపికోసము జీరో పౌడర్ (సుగర్ ఫ్రీ) కలపంది
•ఆహారంలో జాగ్రత్తలు తీసుకోవడంతో పాటు క్రమం తప్పకుండా చేసే వ్యాయామం శరీరబరువును అదుపులో ఉంచుతుంది. రోజు అర గంట నుంచి 40నిమిషాల పాటు చేసే వ్యాయామం శరీరంలోని కొవ్వు నిల్వలను తగ్గిస్తుంది. తగ్గించి.. అనేక జబ్బుల నుంచి రక్షణ ఇస్తుంది. అన్నింటికన్నా ఉత్తమమైన వ్యాయామం నడక. జాగింగ్‌, రన్నింగ్‌, స్విమ్మింగ్‌, సైక్లింగ్, స్కిపింగ్‌, ఔట్‌డోర్‌ గేమ్స్‌ శరీరాన్ని ఆరోగ్యంగా ఉంచుతాయి. అధిక బరువు సమస్యను నివారిస్తాయి.
గుడ్డు ఆరోగ్యకరమైన ఆహారం. మంచి పౌష్టికాహారం. గుడ్డులో పోషక పదార్థాలు, ప్రోటీన్స్ పుష్కలంగా లభిస్తాయి. ఒక గుడ్డు తింటే 75-80 క్యాలరీల శక్తి వస్తుంది శరీరానికి. ఎముకలు, కండరాలు గట్టిపడటంలో గుడ్డు ప్రధానపాత్ర వహిస్తుంది. గుడ్డులో ఉండే ప్రోటీన్స్ ఎంజైమ్స్, హార్మోన్స్‌ను ఉత్పత్తి చేస్తాయి.
గుడ్డులో ఏముంటాయి?
తెల్లసొన
ఇక గుడ్డులోని తెల్ల సొనలో రైబోప్లేవిన్ లేదా విటమిన్ బీ2 పుష్కలంగా దొరుకుతుంది. వీటి వల్ల జీవక్రియ, శరీర పెరుగుదల, శక్తి ఉత్పత్తి, కణాల పని మెరుగు అవుతుంది.
నిజానికి గుడ్డులోని తెల్లసొనలో 90% నీరు ఉంటుంది. మిగిలిన 10%లో అల్బుమిన్‌, గ్లోబులిన్‌ వంటి ప్రోటీన్లు, కొద్దిగా రైబోఫ్లావిన్‌ (బీ2) కూడా ఉంటాయి.
పచ్చసొన
పచ్చసొన 1.33 గ్రాముల కొలెస్ట్రాల్‌ను మాత్రమే కలిగి ఉంటుంది. ఇక పచ్చసొనలో విటమిన్స్ ఏ, బీ, కాల్షియం, పాస్ఫరస్, ఐరన్‌ను కలిగి ఉంటుంది. పచ్చసొనలో ఉండే ఐరన్ త్వరగా జీర్ణమై శరీరంలో కలిసిపోతుంది. త్వరగా శరీరంలో కలిసిపోయే తత్వం ఐరన్‌కు ఉన్నందున గర్భిణి స్త్రీలకు ఎంతో మేలు చేస్తుంది.
అన్ని రకాల పోషకాలూ దండిగా ఉండేది పచ్చసొనలోనే. మాంసకృత్తులు, కొవ్వు, ఎ-డి-బి12 వంటి రకరకాల విటమిన్లు, ఫోలిక్‌యాసిడ్‌, క్యాల్షియం, ఇనుము, జింకు, సెలీనియం అనే యాంటీఆక్సిడెంటు వంటివన్నీ ఉంటాయి. కాబట్టి పచ్చసొన తీసేసి తినాల్సిన అవసరం లేదు.
ఒక గుడ్డు తింటే దాన్నుంచి 75-80 క్యాలరీల శక్తి మాత్రమే లభిస్తుంది. ఇలా తక్కువ క్యాలరీలనిస్తూ, మన శరీరానికి కావాల్సిన ప్రోటీన్లను (మాంసకృత్తులను) అధికంగా అందించటం గుడ్డు ప్రత్యేకతగా చెప్పుకోవచ్చు.
1. ఒక గుడ్డు తింటే దాన్నుంచి 75-80 క్యాలరీల శక్తి మాత్రమే లభిస్తుంది
2. ఒక గుడ్డు నుంచి 6.5 గ్రాముల కొవ్వు లభిస్తుంది.
3. ఒక గుడ్డు నుంచి 1 మిల్లీగ్రాము ఇనుము లభిస్తుంది.
4. ఒక గుడ్డు నుంచి 35 మైక్రోగ్రాముల ఫోలిక్ యాసిడ్ లభిస్తుంది. ఈ ఫోలిక్ యాసిడ్ గర్భిణులకు, ఎదిగే పిల్లలకు చాలా అవసరం.
5. ఒక గుడ్డు నుంచి విటమిన్-బి12 (0.9 మైక్రోగ్రాములు) కూడా లభిస్తుంది. బి12 అనే విటమిన్ ఎర్రరక్తకణాలు వృద్ధి చెందటానికి, నాడీవ్యవస్థ పనితీరు బాగుండటానికి చాలా కీలకం. ఇది కేవలం జంతు సంబంధ పదార్థాల్లోనే ఉంటుంది.
6. గుడ్డు నుంచి 50 మైక్రోగ్రాముల విటమిన్-డి అందుతుంది కాబట్టి గుడ్డును క్రమం తప్పకుండా తీసుకుంటే విటమిన్-డి లోపం బారినపడకుండా చూసుకోవచ్చు.
7. గుడ్డులో 30 మిల్లీగ్రాముల క్యాల్షియం ఉంటుంది. ఇది ఎముకలు, కండరాలు గట్టిపడటంలో ప్రధానపాత్ర వహిస్తుంది.
8. రైబోఫ్లావిన్‌ (విటమిన్ బి2) 0.4 మిల్లీగ్రాములు ఉంటుంది. ఎదుగుదలకు, చర్మం ఆరోగ్యానికి, ఆహారం సరిగా జీర్ణం కావటానికి ఈ రైబోఫ్లావిన్‌ చాలా అవసరం. ఇది గుడ్డు నుంచి తేలికగా లభిస్తుంది.
ప్రతి రోజూ మన ఆహారంలో ఏదో ఒక రూపంలో మెంతులను వాడుతుంటాం. మెంతి గింజలను చారు, పులుసు, పోపులోనూ, మెంతి పొడిని ఊరగాయల్లోనూ వాడతాం. మెంతి ఆకులు ఆకుకూరగా ఉపయోగిస్తారు.
మెంతులు, మావన శరీరంలోని విషాలను (టాక్సిన్లు) బయటకు పంపించి, వూపిరితిత్తుల క్యాన్సర్ రాకుండా కాపాడతాయి, శరీరంలో త్వరగా కరిగేపోయే పీచు దీనిలో ఎక్కువగా లభిస్తుంది. ఆయుర్వేదం, మెంతులు, మెంతి కూరను ప్రతి రోజూ వాడమంటుంది.
మెంతులు ఆకలిని పెంచుతుంది, స్థూలకాయం, చెడు కొలెస్టరాల్, మధుమేహం అదుపునకు ఇవి దోహదపడతాయి. కఫాన్ని పల్చన చేసి వెలుపలకు తెస్తుంది, మూత్రాన్ని జారీ చేస్తుంది, మలాన్ని తయారయ్యేలా చేస్తుంది, చెమటను పుట్టించి శరీరాన్ని చల్లబరుస్తుంది, కామశక్తిని పెంచుతుంది. అందుకని మెంతులు రోజూ మన ఆహారంతో పాటు తీసుకుంటే, మన ఆరోగ్యంగా ఉండచ్చు.
100 గ్రాముల మెంతి గింజల్లో పోషక విలువలు
పిండిపదార్థాలు 44.1 %
ప్రోటీన్లు 26.2 %
కొవ్వు పదార్థాలు 5.8 %
పీచు పదార్థం 7.2 %
తేమ 13.7 %
కాల్షియం 17%
ఐరన్, పాస్పరస్‌, కెరోటిన్‌, థయమిన్‌, నియాసిన్‌ కూడా ఉంటాయి. అరగడానికి రెండు గంటలు పడుతుంది. 333 కిలో కేలరీల శక్తి విడుదలవుతుంది.
మెంతులు వలన ఆరోగ్యానికి కలిగె ప్రయోజనాలు.
•2-4 చెంచాలు గింజలను రాత్రి నానబెట్టి ఉదయం భోజనానికి ముందు తీసుకుంటే ప్రాథమిక దశలో ఉన్న మధుమేహం (చక్కెరవ్యాధి) అదుపులోకి వస్తుంది.
•నీటిలో నానబెట్టిన మెంతులను ప్రతిరోజు రాత్రి పడుకునే ముందు తీసుకుంటే అధికంగా ఉన్న కొవ్వు(కొలెస్టరాల్) తగ్గుతుంది.
•ఒక చెంచా మెంతులను మీ భోజనంలో తీసుకోవడం ద్వారా ఎసిడిక్ రిప్లెక్షన్ మరియు హార్ట్ బర్న్ తగ్గిస్తుంది.
•శ్వాస సంబంధిత సమస్యలకు తొలిదశలోనే మెంతులు ఉపయోగించినట్లయితే సులభంగా తగ్గించుకోవచ్చును. బ్రాంకైటిస్, సైనసైటిస్, ఇన్‌ఫ్లుయంజా, న్యూమొనియా, వంటి జబ్బులకు మంచి మందుగా మెంతులు పనిచేస్తాయి. మెంతి టీ (మెంతులతో తయారుచేసిన తేనీరు)తీసుకోవడంవల్ల శ్వాస సంబంధ సమస్యలను అడ్డుకోవచ్చును.
•కడుపు, కడుపులోని పేగులను మెంతులు శుద్ధి చేస్తాయి. మెంతులు గ్యాస్ట్రిక్ ఇబ్బందులకు, మల బద్ధకానికి, కడుపులో వచ్చే అల్సర్లకు అద్భుతమైన మందు. దీనిలోని సహజమైన జీర్ణ శక్తిని పెంపొందించే అంశాలు జీర్ణాశయాన్నీ, ప్రేగుల పనితీరునూ మెరుగుపరుస్తాయి.
•మలబద్దకంగా ఉంటే 2-3 చెంచాల గింజలు నానబెట్టి తింటే విరేచనం సాఫీగా అవుతుంది.
•మెంతి గింజల పచ్చిపిండిని పాలలో కలిపి ముఖానికి రాసుకుంటే ముఖం నున్నగా తయారవుతుంది. మెంతి పొడి పట్టించి స్నానం చేస్తే చుండ్రు, వెండ్రుకలు రాలడం తగ్గుతాయి. మెంతి పిండి మంచి కండీషనర్‌గా పనిచేస్తుంది.
•మగవాళ్ల ప్రత్యేక సమస్యలు: మెంతుల్లోని ప్రత్యేక తత్వాలు శీఘ్రస్కలనం, లైంగిక స్తబ్దత, అంగస్తంభన సమస్యలు ఇలాంటి వాటిని తగ్గిస్తాయి. కామశక్తిని పెంచుతుంది.
•నొప్పి: మెంతులు వాతహరంగా పని చేస్తుంది కాబట్టి దీనిని నడుము నొప్పి, సయాటికా, కీళ్లనొప్పి, వాపులు, కండరాల నొప్పి ఇలాంటి వాటిల్లో వాడుకోవచ్చు.అస్త్ధితువును (ఎముకలు) ఇది శక్తివంతం చేయటం వల్ల ఆస్టియోపోరోసిస్, నడుమునొప్పి, జుట్టు రాలటం, ఎముకల బలహీనత వంటి సమస్యల్లో ఇది ఔషధంగా పని చేస్తుంది.
కొన్ని ఆహారపదార్థాలు వయసు కనిపించనీయకుండా చర్మం మెరిసేలా చేస్తాయి. సాధారణంగా మనం తీసుకునే ఆహారమే మన అందాన్ని, ఆరోగ్యాన్ని నిర్దేశిస్తుంది.
మనం తినే ఆహారం ద్వారానే చర్మానికి కావలసిన పోషణ లభిస్తుంది. ‘చర్మం పేలవంగా, ముడతలు పడ్డట్టుగా, ఉన్నదానికన్నా వయసు మీద పడినట్టుగా కనిపిస్తోందంటే ఆహారం పట్ల మనం సరైన జాగ్రత్తలు తీసుకోవడం లేదన్నమాట'.
చర్మం లోపలిపొర కింద ఉండే పొరని డెర్మిస్ అంటారు. ఇది మన చర్మానికి జీవాన్నిస్తుందని చెప్పవచ్చు. ఇక్కడ ఉండే నరాల చివర్లు, రక్తనాళాలు, నూనె, శ్వేత గ్రంధులు స్పర్శని కల్పించటంతోపాటు చర్మం ఊపిరి పీల్చుకోవటానికి సహాయపడతాయి. అయితే వీటితోపాటు కొలాజెన్, ఎలాస్టిన్, కెరటిన్ అనే అతి ముఖ్యమైనవి కూడా డెర్మిస్ పొరలో ఉంటాయి. పీచులాగా సాగే గుణం ఉన్న మాంసకృత్తులు ఇవి.
మన శరీర పటుత్వం, ఆరోగ్యం, వంచ గలిగే శక్తిని ఎలాస్టిన్ నిర్దేశిస్తే,
కొలాజన్ వృద్ధాప్యపు జాడలతో పోరాటం చేస్తుంది. వృద్ధాప్యపు ఛాయ కూడా దరిచేరకుండా చేస్తుంది
కెరటిన్ శరీర దారుఢ్యాన్ని పెంచి హుషారుగా ఉంచుతుంది .
అయితే అందంగా, ఆరోగ్యమైన చర్మం కోసం దోహదపడే ఆహారాలు
•బాదం : చర్మ సౌందర్యానికి ఎంతో అవసరమయ్యే విటమిన్ ఇ, యాంటీ ఆక్సిడెంట్లు బాదం పలుకుల్లో పుష్కలంగా ఉంటాయి. రోజూ నాలుగు బాదం పలుకుల్ని రాత్రంతా నీటిలో నానబెట్టి ఉదయాన తింటే మంచిది. నానబెట్టిన బాదం పొప్ప్ను ఉదయాన్నే తిసుకుంటే చర్మం పొడిబారదు.
•పాలకూర : విటమిన్ ఎ, బీటా కెరాటిన్‌లు వయసు ఛాయలు రాకుండా చర్మాన్ని కాపాడతాయి. ఇవి పాలకూరలో పుష్కలంగా ఉంటాయి. దీనిని రోజూ ఆహారంలో తీసుకుంటే నలభైలలో కూడా చర్మం మెరుస్తూ కనిపిస్తుంది.
•సబ్జా గింజలు : చర్మ ఆరోగ్యాన్ని కాపాడడంలో సబ్జాగింజలు ముందుంటాయి. ఇందులో ఒమేగా 3 ఫ్యాటీ ఆమ్లాలు ఉంటాయి. రోజూ ఒక స్పూను సబ్జాగింజల్ని తింటే చర్మం యౌవనంగా ఉంటుంది.
•టొమాటోలు : ఇందులో లైకోపీన్‌ చర్మానికి మంచి మెరుపుని అందిస్తుంది. ఇందులో యాంటీ ఏజింగ్‌ లక్షణాలు చాలా ఎక్కువ. కాలుష్యం నుంచి, హానికారక సూర్యకిరణాల నుంచి లైకోపీన్‌ కాపాడుతుంది.
చేపలు: సాల్మన్ ఫిల్ లో ఓమెగా 3 ఫ్యాటీ యాసిడ్స్ కలిగి ఉంటాయి. ఈ ఒమేగా యాసిడ్స్ మన శరీరానికి ఎంతో ఉపయోగపడి, కొలాజెన్ ఉత్పత్తి పెరగటానికి తోడ్పడే వీటిని మన శరీరం తయారుచేసుకోలేదు. మనం తినే ఆహారం ద్వారానే వీటిని సమకూర్చాలి. చేపలు (ముఖ్యంగా సాల్మన్, ట్యునా వెరైటీ), జీడిపప్పు, బాదాం పప్పు. ఇది కొలాజెన్ ఉత్పత్తికి ఎంతో కీలకమైనది.
•సోయా ప్రొడక్ట్స్: సోయా ప్రొడక్ట్ లో కూడా విటమిన్ సి తో పాటు జింక్ కూడా అధికంగా ఉంటుంది. సోయా మిక్క్ మొటిమలు, మచ్చలు పోగొట్టి, చర్మసమస్యలను దూరం చేస్తుంది. నిర్జీవమైన చర్మాన్ని తాజాగా చేసి ఫ్రెష్ గా మార్చుతుంది. కాబట్టి సేయాబేస్డ్ ప్రొడక్ట్ , సోయా పాలు తాగడం మంచిది.
క్యారెట్స్: ఇందులో ఉండే బీటా కెరోటీన్, మన శరీరంలో విటమిన్ ఎ గా మారుతుంది. ఇది దీర్ఘకాలం చర్మం ముడతలు పడకుండా చేస్తుంది.
•బీట్ రూట్: రూట్ దుంపల్లో అధిక శాతంలో ఐరన్ మరియు విటమిన్స్ ఉండి, చర్మగ్రంధులను శుభ్రం చేయడానికి, రక్త ప్రసరణ జరగడానికి, ముఖంలో పింక్ గ్లో తేవడానికి సహాయపడుతాయి. కాబట్టి ప్రతి రోజూ ఒక గ్లాస్ బీట్ రూట్ జ్యూస్ తాగాలి.
• కీర దోస: దోసకాయను తొక్కుతో తినడం మంచిది. తొక్కులో విటమిన్ 'కె' సమృద్ధిగా ఉంటుంది. చర్మానికి మేలు చేసే గుణం దోస తొక్కులో వుంది. దోసకాయ మంచిది కదా అని ఊరగాయల రూపంలో తినకూడదు. కీరదోసకాయ రసాన్ని ముఖానికి పట్టిస్తే నల్లటి మచ్చలు పోతాయి.
•సిట్ర‌స్ పండ్లు : నారింజ, కివి, నిమ్మ వంటి సిట్ర‌స్ జాతి పండ్లను నిత్యం తీసుకుంటున్నా చర్మం కాంతివంతంగా మారి, మృదువుగా తయారవుతుంది. వీటిలో ఉండే విటమిన్ సి చర్మ సంర‌క్ష‌ణ కోసం ఉపయోగపడుతుంది.
• బొప్పాయి: బొప్పాయి బొప్పాయిన మన పూర్వీకుల నుండి ఉపయోగిస్తున్నారు. పాపాయలో ఎక్కువగా యాంటీఆక్సిడెంట్స్ మరియు ఎంజైములను ఫుష్కలంగా...
• ఆపిల్స్: యాపిల్స్‌లో విటమిన్ సి, ఆస్కార్బిక్ యాసిడ్‌లు పుష్కలంగా ఉంటాయి. ఇవి చర్మాన్ని ముడతలు ప‌డ‌నీయ‌కుండా చూస్తాయి. యాపిల్స్‌లో ఉండే కాప‌ర్ సూర్యుని నుంచి వచ్చే అతి నీల‌లోహిత కిర‌ణాల నుంచి మ‌న‌ల్ని రక్షిస్తుంది. వీటిలోని విటమిన్ ఎ వృద్ధాప్య ఛాయ‌ల‌ను ద‌రిచేర‌నీయ‌దు.
•వేరు శనగ : వేరు శనగల్లో అధిక మోతాదులో ఉండే విటమిన్ ఇ, సిలీనియం, జింక్ శరీర సౌందర్యానికి కావలసిన హార్మోన్ ల ఉత్పత్తిలో సహకరిస్తాయి. రక్తప్రసరణ మెరుగుపరచి మంచి ఆరోగ్యంతో పాటు చర్మ సౌందర్యానికి ఉపకరిస్తాయి.
•నీరు: ప్రతి రోజూ 8-10 గ్లాసుల నీరు తాగడం వల్ల శరీరానకి కావల్సిన తేమ అంది ఎప్పటికీ ఆరోగ్యంగా ఉంచుతుంది. రోజు క నీసం 6-8 గ్లాసుల నీళ్లు తాగటం వల్ల స్వేదగ్రంథుల నుంచి విషపదార్థాలను బయటికి విసర్జింస్తుంది.
•కలబంద: కలబందను కొన్ని రోజులపాటు చర్మానికి రాసుకుంటే ఫలితం కనబడుతుంది.
• తేనె: తేనెను అప్పుడప్పుడు తీసుకోవడం వల్ల చర్మం పొడిబారకుండా తాజాగా ఉంటుంది.
• సన్ ఫ్లవర్ సీడ్స్: లినోలిక్ ఫ్యాటీ యాసిడ్ అన్నది శరీరానికి అవసరమైన ఒక రకం పోషకం. ఆహారం ద్వారా దాన్ని తగినంతగా శరీరానికి అందేలా చూస్తే వృద్ధాప్యం త్వరగా దరిచేరే సమస్యే ఉండదు. చర్మం పొడిబారదు.
శరీరానికి ప్రాణవాయువు ఎంత అవసరమో అదే విధంగా చర్మానికి విటమిన్లు అంతే అవసరమౌతాయి. చర్మసౌందర్యాన్ని పెంపొందించేందుకు కొన్ని విటమిన్లు అవసరమౌతాయని వైద్య నిపుణులు సూచిస్తున్నారు.
విటమిన్ సి : విటమిన్ 'సి' అన్ని రకాల పండ్లలో లభిస్తుంది. ఉదాహరణకు నారింజ, నిమ్మకాయ, కివి వంటి సిట్ర‌స్ జాతి పండ్లలో లభిస్తుంది.
విటమిన్ ఏ : బొప్పాయి, కోడిగుడ్డు, . క్యారట్, గుమ్మడికాయ, చిలగడదుంప, గింజధాన్యాలు, పాలు. ఇవి వయసు ఛాయలు రాకుండా చర్మాన్ని కాపాడతాయి
విటమిన్ బి : ఇది పండ్లతోపాటు ఆకుకూరల్లోను పుష్కలంగా లభిస్తుంది.
విటమిన్ ఇ : బాదం గింజలు, వేరుశనగ, సన్ ఫ్లవర్ సీడ్స్ ఇతర నూనె గింజల్లో లభిస్తుంది.
రక్తంలో మంచి కొలెస్ట్రాల్ (high density lipoproteins or HDL) తక్కువగానూ, చెడు కొలెస్ట్రాల్ (low density lipoproteins or LDL) ఎక్కువగానూ ఉంటే గుండెజబ్బూ, రక్తనాళాల జబ్బూ వస్తుంది. ఈ పరిస్థితిలో రక్తనాళాలు గట్టిపడటం, పూడుకుపోవటం (atherosclerosis) జరుగుతుంది. ఇలా పూడుకుపోవటమనేది గుండెకి రక్తం సరఫరా చేసే నాళాల్లో జరిగితే గుండెలోని కణజాలం చచ్చిపోతుంది. ఈ పరిస్థితిని గుండెపోటు(heart attack) అంటారు.
కనుక ఎవరైనా శరీరంలో చెడు కొలెస్ట్రాల్ పేరుకుపోకుండా చూసుకోవాలి. అందుకు నిత్యం వ్యాయామం చేయడంతోపాటు, కొన్ని ఆహార పదార్థాలను తీసుకోవాలి దీనివల్ల గుండె పటిష్టపడుతుంది. చెడు కొలెస్ట్రాల్ లెవెల్ తగ్గుతుంది. అధిక బరువు మాయమవుతుంది. మరి చెడు కొలెస్ట్రాల్‌ను తగ్గించుకునేందుకు నిత్యం తీసుకోవాల్సిన ఆహారాల గురించి ఇప్పుడు తెలుసుకుందామా మరి..!
నిత్యం మనం తినే పలు రకాల ఆహారాల వల్ల మన శరీరంలో కొవ్వు పేరుకుపోతుందని అందరికీ తెలిసిందే. అందులో చెడు కొలెస్ట్రాల్ (ఎల్‌డీఎల్), మంచి కొలెస్ట్రాల్ (హెచ్‌డీఎల్) అని రెండు ఉంటాయి. మంచి కొలెస్ట్రాల్ మన శరీరానికి మేలు చేస్తే, చెడు కొలెస్ట్రాల్ మాత్రం మనకు చేటు తెస్తుంది. పలు అనారోగ్య సమస్యలను తెచ్చి పెడుతుంది. ముఖ్యంగా శరీరంలో చెడు కొలెస్ట్రాల్ పేరుకుపోతే గుండె జబ్బులు వచ్చేందుకు అవకాశం ఉంటుంది. అధికంగా బరువు పెరుగుతారు. కనుక ఎవరైనా శరీరంలో చెడు కొలెస్ట్రాల్ పేరుకుపోకుండా చూసుకోవాలి. అందుకు నిత్యం వ్యాయామం చేయడంతోపాటు కింద సూచించిన విధంగా పలు ఆహారాలను రోజూ తీసుకోవాలి. దీంతో చెడు కొలెస్ట్రాల్‌ను అంతం చేయవచ్చు. తద్వారా ఆరోగ్యంగా కూడా ఉండవచ్చు. మరి చెడు కొలెస్ట్రాల్‌ను తగ్గించుకునేందుకు నిత్యం తీసుకోవాల్సిన ఆ ఆహారాల గురించి ఇప్పుడు తెలుసుకుందామా..!
ఆహారం జీవం ఉన్న ప్రతి జీవికి అత్యవసరమైనది. పిండిపదార్ధాలు, మాంసకృత్తులు, కొవ్వుపదార్ధాలు, ఖనిజలవణాలు, పీచుపదార్ధాలు, రోగనిరోధక శక్తికి కావలసిన విటమిన్లు మరియు శరీర పోషణకు రక్షణకు కావలసిన పదార్ధాలను కలిగిన పదార్దాలను ఆహారంగా పేర్కొనవచ్చు. ఇవి కాక శరీరానికి నూతన ఉత్సాహాన్నిచ్చే కాఫీ, టీ లాంటి వాటిని కూడా ఆహారపదార్ధాల కోవలోకి వస్తాయి. ఆహారం ఘన, ద్రవ రూపాలలో లభ్యం అవుతుంది.
మన జీవన విధానంలో మార్పులు చేసుకోవడం ద్వారా బ్లడ్ కొలెస్ట్రాల్ లో చెడ్డ కొలెస్ట్రాల్ ను అదుపు చెయ్యవచ్చు. ప్రతిరోజూ సైక్లింగ్, నడక, ఈత వంటి తెలికపాటి వ్యాయామాలు చెయ్యాలి. దీనివలన గుండె పటిష్టపడుతుంది. చెడ్డ కొలెస్ట్రాల్ లెవెల్ తగ్గుతుంది. అధిక బరువు మాయమవుతుంది. రక్త నాళాలలో వాపు, క్లాగింగ్ తగ్గి, రక్తనాళాల గోడలు దలసరికాకుండా వుంటాయి. కొన్ని పదార్థాలను తినడం వల్ల రక్తనాళాలకు, గుండెకు ఎంతో మంచిని చేకురుస్తాయి. ఏ ఏ పదార్థాలు తినడం మంచిదో? వాటిలో రోగ నిరోధక శక్తిని పెంచే గుణాలు ఏమిటో? అవి తినడం వల్ల మన శరీరంలోని కొలెస్ట్రాల్ పై ఏ విధంగా పనిచేస్తాయో తెలుసుకుందాం.
ఆపిల్ పండు
రక్తంలోని కొలెస్ట్రాల్ నిల్వల్ని తగ్గించడంలో ఆపిల్ పండు ఉపయోగపడుతుంది. లివర్ తయారు చేసే చెడ్డ కొలెస్ట్రాల్ ని తగ్గిస్తుంది. ఈ పండులో మాలిక్ ఆమ్లం, శరీరంలోని కొవ్వులను జీర్ణం చేస్తుంది.
బీన్స్
బీన్స్ లో ఉండే కరిగే పీచు చెడ్డ కొలెస్ట్రాల్ తయారీని నిలుపుదల చేస్తుంది. బీన్స్ లోని లేసిథిన్ కొలెస్ట్రాల్ కరిగిపోయేలా చేస్తుంది. పొటాషియం, రాగి, భాస్వరం, మాంగనీసు ఫోలిక్ ఆమ్లాలు కూడా దీనిలో ఉన్నాయి.
బెర్రీస్
బ్లాక్ బెర్రీ లోని విటమిన్స్ గుండెకు, ప్రసరణ వ్యవస్థకు ఎంతో మేలు చేస్తాయి. దీనిలోని కరిగే పీచు పెక్టిన్ కొలెస్ట్రాల్ ను శరీరం నుంచి బయటికి పంపుతుంది. Bad వంకాయ: అనేక రకాల విటమిన్లు, మినరల్స్ కలిగిన వంగ అనేక ఫైటో న్యూట్రియంట్లు కలిగి ఉంటుంది. ఆక్సీకరణ ప్రక్రియలో తోడ్పడతాయి.
ద్రాక్ష
ఆంతో సైనిన్స్, టానిన్స్ వంటివి కొలెస్ట్రాల్ నిల్వల్ని బాగా తగ్గిస్తాయి. ద్రాక్ష లోని పొటాషియం, శరీరంలోని విష పదార్థాలను నిర్విర్యం చేస్తుంది. మధుమేహగ్రస్తులకు ద్రాక్ష నిషిద్ధం.
జామపండు
తాజా జమపండ్లు శరీరానికేంతో మేలు చేస్తాయి. జమలోని విటమిన్ సి భాస్వరం, నికోటిన్ ఆమ్లం, కరిగేపీచు శరీరంలోని రోగనిరోధక వ్యవస్థను పటిష్ట పరిచి, కొలెస్ట్రాల్ తగ్గించి, గుండెను సంరక్షిస్తాయి.
పుట్టగొడుగులు
కొలెస్ట్రాల్ నిల్వలు తగ్గించంలో మాష్ రూమ్స్ లోని విటమిన్స్ బి, సి కాల్షియం, మినరల్స్ బాగా ఉపయోగాపడతాయి.
గింజలు
బాదం పప్పు తినడం వల్ల చెడ్డ కొలెస్ట్రల్ ను తగ్గిస్తుంది. దీనిలోని ఒలియిక్ ఆమ్లం, గుండెను వ్యాధుల బారినపడకుండా రక్షిస్తుంది. జీడిపప్పులోని మోనో అన్ సచురేటేడ్ కొవ్వును తగ్గించి గుండెను పదిలంగా ఉంచుతాయి. వాల్ నట్స్ లోని ఒమేగా 3 ఫ్యాటీ ఆమ్లాలు చెడ్డ కొలెస్ట్రాల్ ను గణనీయంగా తగ్గిస్తాయి.
వెళ్ళుల్లి
రక్తపోటును, ఎక్కువగా వున్న చెడ్డ కొలెస్ట్రాల్ ను తగ్గించడంలో సహాయపడుతుంది.
సోయా
ఎనిమిది రకాల ఆవశ్యక మూలకాలు గల ఒకే ఒక శాకాహార మాంసకృత్తులు సోయాలో వున్నాయి. సోయా మాంసకృత్తులు రోజూ తీసుకుంటే కొలెస్ట్రాల్ ను తగ్గిస్తుంది. రక్తం నుండీ కొలెస్ట్రాలును విసర్జించే లివర్ శక్తిని పెంచుతుంది. సోయా చిక్కుల్లలో విటమిన్ b3, b6, E , ఉన్నాయి.
ఓట్ మీల్
దీనిలోని బీటా గ్లూకస్ అనే ప్రత్యేక కరిగే పీచుపదార్థం స్పంజివలె పనిచేసి కొలెస్ట్రాల్ ను గ్రహిస్తుంది.
సబ్జా గింజలుల
దీని పొట్టు పెగులలోనికి కొలెస్ట్రాల్ ప్రవేశించనీయదు. చెడ్డ కొలెస్ట్రాల్ ను తగ్గించే అత్యంత శక్తి వంతమైన పదార్థంగా ప్రసిద్దికెక్కింది.
పొట్టు తీయని గింజలు
గోధుమ, మొక్కజోన్న ఓటు ధ్యాన్యం, బార్లీ వీటిలోని 3 పొరలను కలిపి ఏక మొత్తంగా తింటే కొలెస్ట్రాల్ పరిమాణం రక్తపోటు, రక్తం గడ్డకట్టడాన్ని తగ్గిస్తుంది.
బెల్లం (Jaggery) ఒక తియ్యని ఆహార పదార్ధము. చక్కెర కూడా తీపి పదార్థమే అయినా.. బెల్లం తీసుకుంటే మంచి ఆరోగ్య ప్రయోజనాలు పొందవచ్చు.
దీనిని సాధారణంగా చెరకు రసము నుంచి మొలాసిస్ ను వెలికితీసి బెల్లము తయారు చేస్తారు
బెల్లంలో ఉండే పోషక విలువలు (100 గ్రాములకు)
•కాలోరీస్ ------------------19 cal/tbsp, or 383 cal / 100 grms
•విటమిన్ బి కాంప్లెక్ష్ --------1 g/kg,
•ఫోలిక్ ఆసిడ్ ------------- 1 mg /kg,
•ఐరన్ --------------------2.6 mg /100 Grms,
•క్యాల్షియం ------------------80 mg /100 Grms,
•ఫాస్ఫోరస్---------------- 30–40 mg / 100 Grms,
•మెగ్నీషియం -------------70-90 mg / 100 Grms,
•పొటాసియం -------------1050 mg / 100 Grms,
•మాంగనీస్ ------------ 0.2–0.5 mg
•సుక్రోస్ Sucrose: 65–85 grams.
•ఫ్రక్టోస్ అండ్ గ్లూకోస్ Fructose and glucose: 10–15 grams.
•ప్రోటీన్లు --------------- 0.4 grams
•ఫాట్ --------------- 0.1 grams.
బెల్లం వలన కలిగె ప్రయోజనాలు:
ఖనిజాలు అధిక స్థాయిలో ఉంటాయి :
తెల్లని చక్కెరలా కాకుండా, బెల్లంలో ఖనిజాలు మరియు ఐరన్ అనేవి ప్రత్యేకంగా ఉంటాయి. శరీరానికి అవసరమైన అతి ముఖ్య ఖనిజాలను అందించి శరీర పనితీరును మెరుగుపరుస్తుంది మరియు అవయవాలు వృద్ధికి సహాయపడుతుంది.
మలబద్దకం నుండి ఉపశమనాన్ని కలిగిస్తుంది :
బెల్లంలో ఫైబర్ను కలిగి ఉండటం వలన మలబద్ధకం నుండి ఉపశమనాన్ని కలిగించడానికి సహాయపడుతుంది ఎందుకంటే, ఇది ప్రేగుల కదలికలను ఉత్తేజపరిచేలా సహాయపడుతుంది.
వ్యాధినిరోధక శక్తిని మెరుగుపరుస్తుంది :
ఇది మన శరీరంలో ఉన్న రోగనిరోధక వ్యవస్థను మెరుగుపరచి, వ్యాధులకు వ్యతిరేకంగా మన శరీరము ప్రతిఘటించేలా దాని పనితీరును మరింత పెంచుతుంది.
శ్వాస సంబంధమైన రుగ్మతలకు చికిత్స :
ముందు చెప్పినట్లుగా, బెల్లంలో శుభ్రపరిచేందుకు మరియు శోథ నిరోధక లక్షణాలతో సంయుక్తంగా కలిసి వివిధ రకాల శ్వాస సంబంధమైన రుగ్మతలను తగ్గించడంలో సహాయపడతాయి. బెల్లం అనేది చాలా సంవత్సరాల నుండి అలెర్జీలకు వ్యతిరేక కారకంగా ఉపయోగించబడుతున్నది.
బెల్లం వల్లన స్త్రీలకు కలిగే ప్రయోజనాలు :
ప్రతిరోజు ఒక చెంచా బెల్లాన్ని మహిళలు వినియోగించటం వల్ల చాలా ప్రయోజనాలను పొందగలరు. ఇది వారి శరీరంలో అనేమియా (రక్తహీనతను) నిరోధించడానికి మరియు ఋతు-సమస్యలను నివారించడానికి సమర్థవంతంగా పనిచేస్తుంది. ఇది మహిళల గర్భధారణ సమయంలో ఎర్రరక్త కణాల యొక్క స్థాయిని పెంచుటకు సహాయపడుతుంది. కాబట్టి, బెల్లాన్ని అధికంగా తీసుకోవటం వలన గర్భధారణ సమయంలో స్త్రీలు తమ శక్తిని పెంచుకోవచ్చు, దాని వల్ల అనేక ప్రయోజనాలను పొందవచ్చు.
బెల్లం వల్లన మగవారికి కలిగే ప్రయోజనాలు :
రోజువారీ ఆహారంలో బెల్లాన్ని తీసుకోవటం వలన మగవారు చాలా రకాల ప్రయోజనాలను పొందగలరు. ఉసిరి పొడితో కలిపి బెల్లమును తినడం వలన మగవారిలో నాణ్యమైన శుక్రకణాలను పొందగలరు మరియు దాని యొక్క స్థాయిని బాగా పెంచ్చుకోగలరు. అలాగే ఇది తక్షణ శక్తికి మూల పదార్థంగా కూడ వుంది.
పాలు బెల్లం కలిపిన పానీయం
బరువు తగ్గడంలోనూ బాగా పని చేస్తుంది
మీరు త్వరగా బరువు తగ్గాలంటే పాలు బెల్లం కలిపిన ద్రావణాన్ని రెగ్యులర్ గా తీసుకుంటూ ఉండండి. మీరు బరువు తగ్గడానికి కూడా ఈ ద్రావణం బాగా పని చేస్తుంది.
అజీర్ణం సమస్య పోతుంది
చాలామంది అజీర్ణం సమస్యతో బాధపడుతుంటారు. మీరు అజీర్ణం, మలబద్ధకం తదితర సమస్యలతో బాధపడుతున్నట్లయితే మీకు పాలు బెల్లం కలిపిన పానీయం మీకు బాగా పని చేస్తుంది. దీన్ని తాగడం వల్ల అజీర్ణం సమస్యల నుంచి ఉపశమనం పొందొచ్చు.
ఋతుక్రమ సమస్యలను తగ్గిస్తుంది
ఋతుక్రమం సమస్యలను, అప్పుడొచ్చే నొప్పులు పాలు+బెల్లం కలిపిన ద్రావణం వల్ల మటుమాయం అవుతాయి. చాలామంది ఆడవారు ఆ సమయంలో నొప్పి, తిమ్మిరిలతో బాధపడుతుంటారు. మహిళలు ఋతుస్రావం సమయంలో పాలు+బెల్లం కలిపిన ద్రావణం తాగితే మంచి ఫలితం ఉంటుంది.
జీర్ణశక్తిని మెరుగుపరుస్తుంది
పాలు, బెల్లం కలిపిన ద్రావణం మీ జీర్ణక్రియను బాగా మెరుగుపరుస్తుంది. అలాగే జీవక్రియ రేటును పెంచుతుంది. అజీర్తి సమస్య వల్ల చాలామంది చాలారకాలుగా ఇబ్బందులుపడుతుంటారు. అయితే వీటన్నింటికీ దీని ద్వారా మంచి ఉపశమనం లభిస్తుంది.
